Vélsmiðja Árna Jóns ehf. þjónar fiskverkunum og útgerðum í vinnu og vörum. 

 

 

 

 

 

 

 

 

 

 

 

 

Vélsmiðju Árna Jóns ehf. á Hellissandi:

Áhersla á að sinna sem best þörfum sjávarútvegsins

 

„Okkar helstu sóknarfæri felast í góðri þjónustu, aðlögun að þörfum viðskiptavinanna með fjölbreyttu vöruúrvali og þjónustu, ásamt því að byggja upp þekkingu og reynslu starfsmanna. Við höfum byggt okkar vélsmiðju á því að sinna sem best þörfum sjávarútvegsins hverju sinni og þá helst með því að bregðast skjótt við þegar eitthvað bilar og leysa úr því á sem farsælastan hátt hverju sinni," segir Árni Jón Þorgeirsson, framkvæmdastjóri Vélsmiðju Árna Jóns ehf. á Hellissandi.

Aðalstarfsemi fyrirtækisins er rekstur vélsmiðju eins og nafnið gefur til kynna og er fyrirtækið upprunalega stofnað um þann rekstur. Með árunum hefur reksturinn orðið fjölbreyttari og má þar nefna verslun sem opnuð var árið 2002 með fjölbreyttu vöruúrval fyrir sjávarútveginn, þjónusta fyrir Skeljung hf. með olíuvörur sem, steypustöð og kranaþjónusta sem bættist við fyrir tveimur árum.

 

Gert við hluti sem áður var skipt um

Árni Jón segir að nú reyni meira en áður á þjónustuþáttinn þar sem erfiðara sé og dýrara að fá varahluti. Því þurfi oft að gera við hluti sem áður var skipt um.

„Til þess að sinna þessu þarf tækjakostur að vera fjölbreyttur og reynsla og þekking að vera til staðar. Þetta reynir auðvitað meira á alla, þar sem erfitt er að koma við sérhæfingu í störfum. Verkefnin eru fjölbreytt en við höfum verið svo heppnir að hafa starfsmenn sem byggja á áralangri reynslu. Við teljum okkur vera vel búna tækjum, s.s. með renniverkstæði og  tölvustýrðan rennibekk. Við eru líka töluvert í vélaupptektum, endurbótum á vökvakerfum og mörgu öðru sem fellur frekar undir endurbætur og fyrirbyggjandi viðhald," segir Árni Jón en fyrirtækið hefur yfir að ráða bátavagni og getur því tekið 20-25 tonna báta og flutt inn í vélsmiðjuna til viðhalds. „Það er oftast mun þægilegra og betra að gera við þegar báturinn er í eða við smiðjuna.“

 

Hreinlætisefni og kranaþjónusta

Eins og áður segir rekur fyrirtækið verslun þar sem megináhersla er lögð á hreinlætisvörur frá Tandri fyrir sjávarútveginn, sömuleiðis smurolíur frá Skeljungi, síur í báta og ýmsar viðhalds- og viðgerðarvörur.

Þá rekur fyrirtækið einnig steypustöðu og ræður yfir öflugum kranabíl og nýtist hann vel til futninga á bátum, sumarhúsum og fleiru.

 

www.arnijon.is

Þjónustusvæði okkar:

Hellissandur

Mynd: Mats Wibe Lund

Rif

Mynd: Haukur Snorrason

Ólafsvík

Mynd: Mats Wibe Lund

Grundarfjörður

Mynd: Mats Wibe Lund