Búist við aukinni eftirspurn í Japan eftir sjávarfangi

Fyrirtæki í þeim löndum sem selt hafa mest af sjávarafurðum til Japans gera ráð fyrir aukinni eftirspurn þaðan í kjölfar náttúruhamfaranna, að því er fram kemur á sjávarútvegsvefnum fis.com. Þetta stafar bæði af því að mikilvæg sjávarútvegssvæði hafa verið lögð í rúst í flóðbylgjunni og einnig vegna þess að geislavirkni hefur orðið vart í fæðu og vatni nálægt löskuðum kjarnorkuverum.

Í þeim þremur fylkjum sem næst eru kjarnorkuverunum og urðu fyrir flóðbylgjunni voru framleidd 707.500 tonn af sjávarafurðum eða 13% af 5,6 milljóna tonna heildarframleiðslu í landinu, samkvæmt tölum Hagstofu Japans.

Indónesía er það ríki sem selur Japönum mest af sjávarfangi og er túnfiskur veigamesta tegundin og rækja þar á eftir. Víetnam er næststærsta viðskiptalandið á þessu sviði.

Heimild: Fiskifréttir 24. mars.