Forsíða Þjónusta
Fréttir Fyrirtækið

Strandveiðar stöðvaðar á svæði A 9. maí
13.5.2011

Strandveiðar stöðvaðar á svæði A 9. maí

 

 

Sjávarútvegs- og landbúnaðarráðuneytið hefur tilkynnt stöðvun strandveiða á A svæði frá Eyja- og Miklaholtshreppi til Súðavíkurhrepps. Veiðarnar verða stöðvaðar við lok veiðiferðar í dag, mánudaginn 9. maí. Á A svæðinu eru aðalútgerðarstöðvarnar á Snæfellsnesi. Strandveiðarnar sem byrjuðu 2. maí sl. hafa farið vel af stað. Rúmlega 565 tonnum var landað í síðustu viku, 353 strandveiðibátar í 937 löndunum. Á svæði A var fyrir helgina búið að landa 64% af leyfilegum hámarksafla maí mánaðar, um 14% á svæði B, um 26% á svæði C og um 33% á svæði D. 

 

Að liðinni fyrstu viku strandveiða hefur Fiskistofa gefið út 410 strandveiðileyfi, langflest á svæði A þar sem 185 leyfi hafa verið virkjuð. Gefin hafa verið út 60 leyfi á svæði B, 69 á svæði C og 96 á svæði D. Á vef Fiskistofu segir að starfsmenn í veiðieftirliti og við aflaskráningar verði varir við aukna sjósókn en vel hafi gengið með rafrænt umsjónarkerfi og rafræna útgáfu veiðileyfa. Gangi öll afgreiðsla hraðar og auðveldar fyrir sig en á fyrri strandveiðivertíðum.

www.skessuhorn.is


<< Til baka

Innskráning
Hafa samband

Þjónustunúmer:
436 6500

Netfang:
arnijon@arnijon.is

Áhugaverðar vörur

Frumvarp til laga um höfn á Rifi (1946)
Hrafn, komd þú sæll!

Tenglar


Leit

Leitarorð:




Vélsmiðja Árna Jóns | Smiðjugötu 6 | 360 Hellissandur (Rif) | Um vefinn