Mikil uppbygging í ferðaþjónustu á sunnanverðu Snæfellsnesi

Það hefur varla farið framhjá neinum að ferðaþjónusta er sífellt vaxandi atvinnugrein á Íslandi. Þannig hafa margir spáð því að yfirstandandi ár verði metár í gestafjölda til landsins. Ferðaþjónustuaðilar eru því í óða önn að undirbúa komu hins mikla fjölda, að meðtöldum þeim sem starfa við ferðaþjónustu á Snæfellsnesi. Á sunnanverðu Snæfellsnesinu, nánar tiltekið í Staðarsveitinni og á Hellnum, eru blómlegir hlutir að gerast. Nánast allt ferðaþjónustufólk er að stækka við hjá sér og þá eru fjölmargir nýir staðir að opna. Nægir að nefna nýtt gistiheimili í Lýsudal og kaffihús í Gestastofu Þjóðgarðsins á Hellnum. Þá hafa verið byggð tíu smáhýsi við Gistiheimilið Hof og Hótel Hellnar hafa fært út kvíarnar.

Frétt: www.skessuhorn.is