Vel gengur að ljúka byggingu og frágangi Björgunarhúss í Rifi, fyrir skömmu var steypt plan við húsið og hefur björgunarsveitinni borist styrkir sem gera þá framkvæmd auðveldari, Guðmundur Kristjánsson styrkti planið um 2.500.000,- og að auki styrkti Vélsmiðja Árna Jóns í Rifi verkið að upphæð 400.000, steypa í planið var keypt hjá Vélmiðju Árna Jóns og að sögn stjórnarmanna í Lífsbjörgu var tilboð Vélsmiðjunnar í steypuna einnig mjög sanngjarnt. Planið er 450 fermetrar að stærð. Einnig var steypt rönd meðfram húsinu að sunnanverðu sem er um 20 fermetrar að stærð. Einnig á að steypa sökkul undir fjarskiptamastur sem staðsett verður við norðurhliðina á húsinu en því er ólokið. Bein fjárframlög hafa einnig borist til Lífsbjargar að undanförnu, um sjómannadagshelginni fékk sveitin styrk frá Smára Lúðvíkssyni og Auði Alexandersdóttur frá Rifi að upphæð 100.000kr. Útgerðarfyrirtækið Breiðavík ehf styrkti einnig björgunarsveitina um 700.000kr nýlega í húsbygginguna, einstaklingar og fyrirtæki hafa einnig verið dugleg við að leggja styrki beint inn á reikning Lífsbjargar 0190-15-380021.